منقبت شہید کربلا

منقبت شہید کربلا امام حسین  علیہ السلام 

حیدر ؑ کا گھرانہ کربل میں کیا ظلم انوکھے سہتا ہے

پیاسے ہے محمد ﷺ کے پیارے اور سامنے دریا بہتا ہے

دل ڈوب گیا ہے بانوں کا اور خون کا دریا بہتا ہے

جس جھولے میں اصغر ؑ سوتے تھے دو دن سے وہ خالی رہتا ہے

زینب ؑ کی نظر ہے چوکھٹ پر اور کان لگے ہے آہٹ پر

جب کوئی دُلارا باہر ہو تو ماں کو کھٹکا رہتا ہے

اے کوفیوں کیا پایا تم نے ان پر ہی ستم ڈھایا تم نے

جس گھر کا ہر اک بچہ بچہ سرکار سے نسبت رکھتا ہے

اے شمر لعین ظالم تو نے پیاسا ہی گلا کاٹا تو نے 

 بہتا ہے آنکھوں سے آنسو جب منظر سامنے آتا ہے

سجاد شہیدوں کا غم ہے  جتنا لکھو اتنا کم ہے 

ہر سال محرم میں گھر گھر شبیر کا چرچا ہوتا ہے